еМагазин
Image default
Бизнис

УПОЗ од Владата ќе бара седумчасовен работен ден и прогласување на 2 јануари и 2 мај за празници

Иницијатива за прогласување на 2-ри јануари и 2-ри мај за неработни денови, како и воведување на седумчасовен работен ден, ќе поднесе до Владата на Република Македонија, Синдикатот на работниците од управата, правосудните органи и здруженија на граѓани на (УПОЗ).

Претседателот на УПОЗ Пецо Грујовски, на денешната прес-конференција, посочи дека е време Македонија да се приклучи на европските трендови и во новиот Закон за работни односи кој е во фаза на изработка да се утврди седумчасовен работен ден, односно 35-часовна работна недела.

„Со седумчасовното работно време ќе се врши подобра распределба на трудот. Со намалување на работното време за 10,2 проценти од секој работник, теоретски ќе доведе до потреба од ангажирање на дополнителен број работници. Од социјален аспект нашето барање го аргументираме со тоа што ќе се зголемат можностите за грижа кон семејството и рекреација“, изјави Грујовски.

Во однос на иницијативата за измена на Законот за празници, Грујовски нагласи дека во 2007 година дотогашниот празник 2-ри јануари се укина како неработен, додека годинава со одлука на Влада повторно се прогласи како неработен.

„Реакциите за ваквата одлука беа позитивни и кај вработените во администрацијата и стопанството. Бидејќи во овој период од годината работните процеси се сведени на минимум како во јавниот, така и приватниот сектор, предлагаме 2-ри јануари повторно да биде прогласен за празник“, изјави Грујовски.

Традицијата на одбележување на меѓународниот ден на трудот, посочи Грујовски, сметаме дека треба да продолжи и покрај 1-ви и 2-ри мај да биде прогласен за празник.

МИА

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Официјално почна со работа канадската компанија „Магна Мирорс“, за 10 години предвидени над 1.300 вработувања и инвестиција од 39 милиони евра

Редакција

„Димакс рудници“ го доби тендерот на ЈП за одржување и заштита на магистралните патишта за набавка на индустриска сол вреден 2,8 милиони евра

Редакција

Финансиската и стабилноста на курсот на денарот успешно се одржуваат, велат од Народна банка

Редакција

📢 Важно известување

Оваа веб-страница претставува архива (стар сајт) и повеќе не се ажурира.
За најнови информации и содржини, посетете ја нашата нова официјална страница:


👉 Посети ја новата страница