Национална установа Археолошки музеј на Македонија – Скопје по распишаниот тендер за обезбедување имоти, археолошки предмети, материјали и документација за потребите на НУ Археолошки музеј на Македонија – Скопје за 2019 година склучи договор со друштво за услуги „Секјурити груп сервисес“ ДООЕЛ Скопје (СГС).
Вредноста на склучениот договор со вклучен ДДВ е 7.080.000 денари.
Интересно е што истата фирма го доби тендерот за обезбедување имоти, археолошки предмети, материјали и документација за потребите на НУ Археолошки музеј на Македонија – Скопје и за шест месеци во 2018 година.
Тогаш вредноста на склучениот договор со вклучен ДДВ изнесуваше 2.400.118 денари.
СГС го доби и тендерот за обезбедување на музејот во 2016 година односно од февруари 2016 до крајот на јануари 2017 година. Тогаш вредноста на склучениот договор со вклучен ДДВ изнесуваше 8.559.720 денари.