Премиерот Зоран Заев, вицепремиерот за економски прашања, Кочо Анѓушев и министерот за економија, Крешник Бектеши ќе ја преставуваат Македонија на Светскиот економски форум во Давос, потврдија од Владата за еМагазин.
Самитот почнува утре, а ќе трае до 25 јануари.
Во рамки на самитот Заев ќе има средба со генералниот секретар на НАТО, Јенс Столтенберг и со еврокомесарот за проширување, Јоханес Хан, како и други високи учесници на Самитот.
Интересно е дека годинава во Давос меѓу 3.200 претставници нема да бидат шефовите на држави на САД, Франција Русија и Кина, ниту еден од петте постојани членки на Советот за безбедност на ОН.
Темата на овогодишниот состанок е: „Глобализација 4.0 – Обликување на светската архитектура во време на четвртата индустриска револуција“.
Фото: Ројтерс
ПОВРЗАНИ ВЕСТИ
Трамп, Макрон и Путин не доаѓаат на самитот во Давос