Mајсторот на современата македонска проза Венко Андоновски оваа среда (23.01.) од 18 часот ќе биде автор-гостин на ТРИ во книжарницата во ГТЦ, информираат од книжарницата,
„Повод е одличниот прием на неговата најнова книга раскази „Припитомување на кучката“ што ТРИ ја промовираше минатиот месец, а чие прво издание во моментов ги брои своите последни примероци.
Средбите со омилените автори се секогаш вредно искуство и вистинско уживање. На ова дружење читателите ќе имаат можност да поразговараат со Андоновски за неговата нова книга раскази, за целокупното негово творештво, како и да добијат посвета на својот примерок од „Припитомување на кучката“, „Вештица“ или пак „Папокот на светот““, се вели во соопштението.
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.