Филип боледуваше од акутна миелобластна леукемија. По трансплантацијата тој е во одлична здравствена состојба, насмеан и полн енергија. Веќе размислува како да стане амбасадор на сите кои сакаат да донираат коскена срцевина.
За ова информираше министерот за здравство Венко Филипче на неговиот фејсбук-профил.
„Со него ја направивме првата трансплантација на матични клетки од несроден донор во Македонија и испишавме историја во македонското јавно здравство.
Го остваривме професионалниот сон на една цела генерација хематолози“, вели Филипче на неговиот фејсбук-профил.
фото: Фејсбук-профил на Венко Филипче
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.