Асоцијацијата на специјализанти и млади лекари обвинува за местење на огласите за вработување медицински лица во Клиниката во Тетово.
Тие ги објавија резултати од конкурсот за вработување од кои може да се види дека бодувањето на кандидати не било земено предвид при доделувањето на работните места.
Имено, кандидатите кои се високо на листата според бодувањето не се вработени, а на нивно место се избрани други лица.
Случајност или не, сите вработени се лекари Албанци, иако на конкурсот биле пријавени лекари – Македонци кои добиле повеќе бодови.
„Властите, ЛКМ и ЗЛС молчат, ние не! Каков е овој скандал и неправда! Првата слика е ранг листата, а втората примени кандидати, срамота! Бараме одговорност за ова!“, реагираа од Асоцијацијата.
Фото: Фејсбук/Асоцијација на специјализанти и млади лекари