еМагазин
Image default
Локално

Скопјанец „шутирал“ полицајка во подземна гаража

Основното јавно обвинителство Скопје до Основниот суд Скопје 1 Скопје поднесе обвинителен предлог против едно лице кое се товари за кривично дело „напад врз службено лице при вршење работи на безбедноста“.

Обвинетиот 25-годишен жител на Скопје, соопшти денеска ОЈО, на 13.02.2019 година, во подземна гаража на улица „Анкарска“, нападнал и телесно повредил едно овластено службено лице – униформирана полициска службеничка.

„Оштетената со уште тројца колеги, униформирани полициски службеници од Полициска станица од општа надлежност Карпош, пристапиле кон проверки на оштетено патничко моторно возило Цитроен Ц3 паркирано во гаражата. Во тој момент од совозачката врата на возилото излегол обвинетиот.

Му било наредено на застане, но се обидел да избега, а оштетената за да го задржи го фатила со двете раце за нозете во делот на потколениците.

Притоа, тој почнал да ја удира со нозете во пределот на главата и лицето и да ја влече по асфалтот, нанесувајќи и телесни повреди во вид на потрес, отворена рана на главата и нагмечување на главата“, се појаснува во соопштението од ОЈО.

Ценејќи дека се уште се исполнети законските основи заради кои на обвинетиот веќе му е определена мерка притвор, се наведува во соопштението, надлежниот јавен обвинител заедно со Обвинителниот предлог до судот достави и предлог за продолжување на притворот.

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Младо момче од Тетово почина во тешка сообраќајна несреќа

Редакција

Пукотници кај границата со Албанија: И бегал на полицијата преку гробишта со ќеса полна марихуана

Редакција

Во Кочани утре за родителите ќе се одржи работилница на „Макпетрол“ против врсничко насилство

Редакција

📢 Важно известување

Оваа веб-страница претставува архива (стар сајт) и повеќе не се ажурира.
За најнови информации и содржини, посетете ја нашата нова официјална страница:


👉 Посети ја новата страница