Орце Камчев, Цветан Панделески и Ненад Јосифовиќ кои се осомничени за случајот „Империја“ на Специјалното јавно обвинителство (СЈО) се ослободени од куќен притвор со одлука на Врховниот суд и тие ќе може да се бранат од слобода.
Одлуката за укинување на притворите следува откако на 30 јануари највисокиот суд донесе начално правно мислење дека Катица Јанева и нејзините обвинители не се овластени тужители за предмети и за истраги отворени по истекот на 18 месеци откако ги презеле „бомбите“, рок кој истече на 30 јуни 2017 година.
Во истрагата на СЈО под кодно име „Империја“ осомничени се Јордан Камчев, Сашо Мијалков, Ненад Јосифовиќ, Цветан Панделески, Ратка Куноска-Камчева, Христина Камчева-Стојческа, Зорица Арсовска, Лилјана Гајдовска, Владислав Стајковиќ, Тодор Мирчевски, Дејан Јанев, Ванче Мијалчев и Јованче Тасковски за неколку кривични дела.