„Сковин“ во загуба од 117 милиони денари

„Сковин“ АД Скопје во 2018 година оствари загуба од 117.784.000 денари, што е влошување на резултатот во однос на претходната година кога компанијата имала добивка од 274.000 денари, соопшти компанијата преку Македонската берза.

„Сковин АД Скопје во 2018 година оствари вкупно 189.602.000 денари вкупни приходи, а во 2017 година оствари 214.660.000 денари и бележи намалување на приходите од 12%. Финансиските приходи во 2018 година изнесуваат 70.000 денари и се 4% во вкупните приходи, а останатите 96% отпаѓаат на редовното работење , што во апсолутен износ изнесува 189.532.000 денари. Од нив 91% отпаѓаат на приходи од продажба што е секако основна активност на друштвото, а само 9% од друго работење“, соопшти компанијата.