Државата располага само со три авиони за гасење на пожари, потврдуваат за еМагазин од Дирекцијата за заштита и спасување (ДЗС).
Како што велат од таму се преговарало и зборувало за набавки на нови, но засега нема ништо конкретно по тоа прашање.
Во извештајот на дирекцијата за минатата година, стои дека се работи за воздухоплови за гасење пожари од типот Air Tractor Fire Boss, кои го поминале техничкиот преглед и се оперативни за работа
Во овој дел во Дирекцијата лани се вработени еден раководител, четири нови пилоти и двајца авио-механичари.
“Во однос на персоналниот менаџмент, во ДЗС и подрачните одделенија низ Републиката, примени се 31 вработен на определено и 13 вработени на неопределено време, со што се надминува долгогодишниот недостиг од соодветен кадар“, стои во извештајот на ДЗС за 2018 година.
Последниве неколку недели земјава е зафатена со бројни пожари, што е нетипично за овој дел од годината, а за нивното гаснење беа ангажирани и авионите на ДЗС.
ПОВРЗАНИ ВЕСТИ
Авионите на ДЗС гасеа пожари во Орашец, Рамно и Ново Село, исфрлени 30 тони вода
Пожари секој ден: Кој тоа си ја пали сопствената држава и сака да предизвика криза?
Фото: ДЗС