Од утре ќе има теренска вакцинација во основните и средните училишта, информира денеска министерот за образование и наука Арбер Адеми.
„Во постојана комуникација сме со министерот за здравство и навистина станува збор за алармантна ситуација. Така што сме во фаза на изнаоѓање на што подобро законско решение и во Законот за основно образование, каде што при упис во основните училишта треба да се приложи аргумент дека вакцините се примени.
Но, секако, секоја наша одлука треба да биде во насока и во согласност и со уставните одредби каде што основното образование е задолжително и со вредноста дека треба да се запази да не се загрозува јавното здравје на било кој“, вели Адеми.
Министерот вели дека во оваа насока ќе бидат нивните решенија, законски и подзаконски, но ситацијата со морбилите, како што рече, станува алармантна.
МИА
ПОВРЗАНИ ВЕСТИ
Морбилите предизвикуваат абортуси, предвремени породувања и зголемена смртност на плодот
Прогласена епидемија на мали сипаници на територијата на цела држава