еМагазин
ЖИВОТ

Две нови вакцини во Календарот за имунизација, против рота-вирусот и пневмококна вакцина

Министерството за здравство во Календарот за имунизација воведува две нови вакцини – против рота вирусот и пневмококна вакцина.

Со вакцината против рота вирусот се заштитени најголем процент од децата кои ја примиле (9 од 10 деца). Вакцинацијата се спроведува со орална ротавирусна вакцина во три дози со ставање капки во устата на детето, на возраст од шест недели до 32 недели.

Првата доза од вакцината треба да се даде пред детето да наполни 15 недели, додека сите три дози на вакцината треба да бидат примени пред да наполни осум месеци.

Повеќето бебиња, кои примиле ротавирусна вакцина немаат несакани ефекти од вакцината. Милиони бебиња од 94 земји во светот безбедно ја имаат примено оваа вакцина.

Со пневмококната вакцина се намалува можноста за пренос на вирусот. Третманот на пневмококни инфекции со антибиотици не е толку ефикасен, поради големата отпорност на бактеријата кон антибиотици, што ја прави вакцинацијата уште поважна превентивна мерка. Вакцинирањето е најдобриот начин детето да се заштити од пневмококна инфекција.

Пневмококната вакцина се дава интрамускулно. Се користи пневмококна вакцина, која штити од повеќе серотипови пневмокок, кои се поврзуваат со тешки инфекции кај децата. Дететот може да прими од една до четири дози, во зависност од возраста на детето во моментот кога е почнато со вакцинација.

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Доктор Лазаров: Цела пандемија ја платија од свој џеб луѓето, срам да ви е

Редакција

Денеска облачно и посвежо време, со дожд и грмежи

Редакција

„Секирата ми беше пет сантиметри од глава“: Новинарот и снимателот споделија детали за нападот

Редакција

📢 Важно известување

Оваа веб-страница претставува архива (стар сајт) и повеќе не се ажурира.
За најнови информации и содржини, посетете ја нашата нова официјална страница:


👉 Посети ја новата страница