Изминатиот период, откако една мала група од поранешното раководство на Левица потпаднати под подлите манипулации, саботажи и фалсификати на Здравко Савески неуспешно се обиде да ја заузда антивладината критика, како еден од главните фокуси на нашата партија, започна да создава внатрешни тензии и опструкции кои го минираа целокупното фунционирање на Левица, велат од Левица.
„Сепак, ваквиот координиран обид од страна на оваа теснограда фракционерска група, која поради свои поедини лични бенифиции и потрага по конфор се обиде да ја компромитира антивладината позиција и зацртаната политичка траекторија на Партијата, беше пресретнат од страна на актуелното легитимно и легално раководство.
Со поддршка на базата и поширокото членство на Левица ваквиот обид успешно беше превениран и на овие компромитирани членови им беше замрзнато членството.
Но, оваа маргинална и идеолошки застранета група – заглибена во намерите за додворување кон политичкиот естаблишмент и со поданички обзир спрема НГО сентиментот – покрај обидите бескурпулозно да се пресмета со актуелниот Президиум на Левица, покрена и тужба за промена на правниот застапник на Партијата, која после неколку одржани рочишта, мериторно им беше одбиена од страна на Основниот суд Скопје II“, се вели во соопштението на Левица.