Малопродажната цена на бензинот „еуросупер БС-95“ од полноќ се зголемува за 0,50 денари за литар, а за еден денар поскапуваат „еуросупер БС-98“, „еуродизел“ и екстра-лесното масло за домаќинство, одлучи денеска Регулаторната комисија за енергетика.
Новата цена на „еуросупер БС-95“ е 72 денари, на „еуросупер БС-98“ изнесува 74, на „еуродизел“ 63,50, а на екстра-лесното масло за домаќинство 52 денари за литар.
Денешната одлука на Регулаторната комисија за енергетика е последна што се носи според досегашната методологија.
Во иднина цените на нафтените деривати ќе се одредуваат според сосема нов концепт и нема да пресметува производна цена, туку основа ќе и биде цената на суровата нафта на светските берзи на која ќе се додадат определени трошоци како премии на трговците, транспортот од пристаништата до резервоарите во кои трговците ги складираат нафтените деривати, трошок за пренесување од складиштето до бензинските пумпи, трошок за маржа…