Не стивнуваат реакциите во јавноста по големата измама во „Нефа мебел“ во која граѓани од повеќе градови низ земјава кои платиле за мебел останаа со празни раце.
Зачудува што засега нема официјална реакција од надлежните органи иако измамата прв пат била пријавена уште пред неколку дена.
Оштетените лица и воопшто македонските граѓани на социјалните мрежи прашуваат каква е заштитата на купувачите од ваков вид измами и дали тие самите преку тужби против лицата-сопственици кои веќе ја напуштиле земјава или воопшто не стапнале во нашата држава треба да бараат обесштетување и одговорност.
Останува впечатокот дека доколку државата седи со скрстени раце иако се знаат виновниците за оваа афера во иднина цехот за измамата во „Нефа мебел“ ќе го платат другите домашни и странски производители во земјава кои ќе треба да ја повратат загубената доверба во системот за заштита на потрошувачите и воопшто во државата.
ПОВРЗАНИ ВЕСТИ
(Видео) Кој стои зад измамата во „Нефа мебел“ која ја тресе Србија и Македонија?