Вкупните средства на осигурителните друштва во првиот квартал од годината, остварија раст од 4,7%, на квартална основа и од 9,6% на годишна основа, главно заради вложувањата во должнички хартии од вредност, соопшти Народната банка.
„Покрај хартиите од вредност, кварталниот раст е резултат на техничките резерви на осигурување и останатите побарувања, додека за годишниот раст придонесоа валутите и депозитите и сопственичките хартии од вредност.
На страната на обврските, растот на квартална основа е одраз на речиси еднаквиот прираст на останатите обврски и на техничките резерви на осигурување, додека годишниот раст во најголем дел се објаснува со техничките резерви на осигурување“, соопшти НБРМ.
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.