Владата на последната седница донела одлука за именување на Стојан Витанов за генерален конзул и шеф на Генералниот конзулат на нашата земја во Италијанската Република со седиште во Венеција.
Стојан Витанов и стана познат на македонската јавност во 2017 година откако опозициската ВМРО-ДПМНЕ обвини дека претседателот на СДСМ, Зоран Заев како обвинет одложил судско рочиште за случајот „Поткуп“ со изговор дека морал да се сретне со италијански дипломат, а всушност бил на средба со својот сограѓанин и близок соработник.
Италијанската амбасада тогаш демантира каква било средба меѓу нивен дипломат и Заев.
Витанов во тој период бил ангажиран како надворешен конзуларен коренсподент во Италијанската амбасада на доброволна основа и немал никакви дипломатски овластувања.
Фото: Фејсбук/Стојан Витанов