Учениците од „Михајло Пупин“ денеска ќе собираат средства за лекување на нивниот другар и ученик во тоа училиште Давид Мартиноски Исоски.
„Да помогнеме секој како може и колку може. Ако ништо повеќе, тетратките од оваа школска година да ги донираме во стара хартија, наместо кафе да донираме и да го помогнеме неговото лекување во Клиниката Confraternitat во Виена.
За таа цел во СЕТУГС „Михајло Пупин“ се организира хуманитарен музички хепенинг денеска со почеток во 13 часот и донации.
За забавата ќе се погрижат за отворањето Гораст Цветковски, за музика диџеј Зец, 2Бона.
Се покануваат сите добри луѓе, ученици, пријатели, професори, другари, родители и секој кој што сака и може да допринесе на кој било начин да дојде да ни се придружи и да подаде рака и морална поддршка во битката и војната што ја водат Давид и неговото семејство“, се вели во апелот на учениците.
ПОВРЗАНИ ВЕСТИ
Давид Мартиновски Исоски: Сите мои мечти и соништа се стопија во еден и единствен, да оздравам