Сопствениците на „Тренд“, Гроздан Георгиев и Предраг Васиљевиќ Пеџа и нивните браќа отворија нова кафана во Дебар Маало, Скопје „Шпајз“.
Отворањето се случи на 12 јуни во присуство на голем број на гости. Кафеаната се наоѓа на Боемска улица, спроти Канцеларија.
„Во кафеаната се нуди македонска, но и автентична балканска храна. Менито го составувавме неколку месеци, а во неговата подготовка ни помагаа и српски познати угостители со кои имаме контакти. Готвачите ни се со искуство“, вели Гроздан во изјава за „еМагазин“.
Во врска со идејата после „Тренд“ да отворат кафеана, низ шега вели дека „со годините, тоа повлекува“. Амбиентот е збогатен со староградска акустична музика.
Имајќи ја предвид успешноста на приказната „Тренд“, која трае веќе 17 години и „Шпајз“ ќе ја збогати угостителската услуга во градот.
Гроздан ги повикува сите љубители на вкусната храна и убав амбиент да го посетат ова ново катче на Боемска улица.
