Најновите испитувања на водата од Дојранското Езеро покажаа дека истата е во одлична состојба и е безбедна за капење и рекреација на луѓето, информира градоначалникот Анго Ангов на Фејсбук.
“Според последните извештаи од тестирањата на здравствената безбедност на водата од Дојранското Езеро, примероци земени од Градската плажа, плажата кај хотелот “Полин” и плажата “Гранико” е докажано дека водата кај трите споменати плажи е во одлична состојба и истата може да се користи за капење и рекреација на луѓето.
Резултатите од испитувањата на езерската вода се сосема исти со минатата година, односно, резултатите ја истакнуваат нејзината непроменета одлична состојба и покажуваат параметри кои не се одразуваат штетно по здравјето на луѓето.
Во текот на летниот период неколку пати се земаат примероци од езерската вода за нејзино тестирање.“, вели Ангов.
Фото: Фејсбук/Ангов
Важно известување
Посети ја новата страница