Во текот на изминатото деноноќие, Инспекторат на град Скопје и екипите на ЈП „Комунална хигиена“ регистрираа два случаи на незаконско одлагање медицински отпад во контејнерите поставени на булеварот Македонија (поранешен Јужен булевар), информираат од Град Скопје.
„Еко-патролата, во координација со комуналните редари на Град Скопје и Државниот санитарен инспекторат, ги отстрани садовите врз коишто беше извршено темелно чистење и дезинфекција“, велат од Град Скопје.
ЈП „Комунална хигиена“ апелира до правните субјекти коишто во рамките на својата дејност создаваат медицински отпад, истиот да не го исфрлаат во садовите поставени на јавни површини, затоа што на тој начин го загорзуваат здравјето на вработените во јавното претпријатие и ја контаминираат непосредната околина.
Фото: Град Скопје