Кои се тие функционери кои не ги фатила „метлата“, а местеле милионски тендери, за кои зборува поранешниот советник на Тевдовски, Јовановиќ?

Професорот Драган Тевдовски повеќе нема да биде министер за финансии. На неговата фотелја извесен период ќе седне премиерот Зоран Заев.

Тевдовски најверојатно ќе му стане советник на Заев.

Поранешниот советник на Тевдовски, економскиот аналитичар Бранимир Јовановиќ пак по објавувањето на оваа информација на Фејсбук изнесе забелешка, која сериозно треба да ги заинтересира надлежните институции, имајќи во предвид дека Јовановиќ до неодамна работеше во Министерството за финансии.

„Мислев дека „метлата“ требаше да ги фати оние кои работеа за личен интерес наместо за јавниот, оние кои местеа милионски тендери, оние кои трошеа државни пари, а ништо не работеа…“, напиша Јовановиќ на неговиот фејсбук-профил.