Во мај, продолжи трендот на намалување на просечната каматна стапка на вкупните кредити, којашто оствари месечен пад од 0,03 п.п. и изнесува 5,20%, соопшти Народната банка.
На годишна основа, оваа каматна стапка е намалена за 0,41 п.п.
Просечната каматна стапка на вкупните депозити овој месец е непроменета во однос на април и изнесува 1,41%, додека во однос на мај минатата година е намалена за 0,05 п.п.
„Просечната каматна стапка на новоодобрените кредити, во мај, забележа месечен пад од 0,03 п.п. и изнесува 4,68%, додека на годишно ниво се намали за 0,25 п.п. Кај просечната каматна стапка на новопримените депозити е забележан месечен раст од 0,04 п.п. и таа изнесува 1,31%. На годишна основа каматната стапка е намалена за 0,12 п.п“, информира од НБ.