Владата доби известување од Амбасадата на САД и од изведувачката на химната Тамара Тодевска дека станува збор за ненамерна грешка при изведување на химната, како и уверувања за највисоко ниво на почит кон македонските традиција и херои, велат од Владата.
Од Владата се децидни дека и покрај потпишувањето на Договорот од Преспа со Грција и оној за добрососедски односи со Бугарија, промена на химната нема да има.
Тамара денеска беше топ тема и крена бурни реакции во јавноста во врска со изведувањето на македонската химна на прославата во Американската амбасада, по повод Денот на независноста 4 јули.
Таа не ја испеа строфата во која се спомнуваат Гоце Делчев, Даме Груев, Јане Сандански и Питу Гули.
ПОВРЗАНИ ВЕСТИ
Заев во одбрана на Тамара: Ненамерна грешка и пропуст, химната се пее секој ден, насекаде
Радио Кавадарци нема да пушта песни од Тамара Тодевска