еМагазин
Image default
Балкан

Мицотакис по победата на изборите: Грција повторно гордо ја крева главата

Одлуката на народот е јасна, општеството сака обединети да одиме напред, пред се сака развој, работни места и безбедност за Грција одново да стане силна како што и заслужува, рече лидерот на Нова демократија, Кирјакос Мицотакис во неговото обраќање до Грците, по победата на неговата партија на парламентарните избори.

– Преземам да ја водам земјата и целосно сум свесен за националната одговорност – рече Мицотакис.

Тој им се заблагодари на Грците за довербата, рече дека ќе биде премиер на сите граѓани и напорно ќе работи за да ги убеди и оние кои не гласале за него дека ќе се бори за сите. Истакна дека нивна должност е да ги обединат Грците и ќе го сторат тоа во пракса.

– Од денес почнува една тешка, но убава битка. Земјата повторно гордо ја крева главата. А ние ги засукуваме ракавите. Новата влада ќе работи напорно, тимски и со скромност. Со почит на силниот мандат што го доби од народот – рече Мицотакис и ги спомена неговите предизборни обврзувања, за помалку даноци и многу инвестиции, за нови работни места, за развој и за подобри плати и пензии.

Новиот премиер на Грција кој од денеска ќе ја преземе должноста рече дека со работа владата започнува веднаш, а Парламентот ќе работи цело лето.

– Од утре небото ќе биде посино, а сонцето посветло. Се разденува нов ден за нашата татковина – рече Мицотакис на крајот од неговото обраќање до јавноста.

Веднаш потоа, новиот грчки премиер им се обрати и на поддржувачите и симпатизерите на Нова демократија кои беа собрани пред седиштето на партијата.

МИА/Фото: Фејсбук/Мицотакис

ПОВРЗАНИ ВЕСТИ

„Мицотакис победи, на ред е МИЦКОтакис„: Твитер реакции за изборите во Грција

Ципрас: Со крената глава ја прифаќаме одлуката на народот

Грција: Нова Демократија ја победи СИРИЗА и може да формира еднопартиска влада, Златна зора не влезе во Парламентот

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

„Сите се сакаа“: Подем на Југоносталгијата

Редакција

(Видео) Џамбаски не престанува со провокациите: Заев заборава дека Македонија е бугарска, се потсетува кога бара нешто

Редакција

Во Србија се истражува еден случај кај дете, за кое постои сомневање дека има акутен хепатитис од непознато потекло

Редакција

📢 Важно известување

Оваа веб-страница претставува архива (стар сајт) и повеќе не се ажурира.
За најнови информации и содржини, посетете ја нашата нова официјална страница:


👉 Посети ја новата страница