Специјалната јавна обвинителка Ленче Ристoска на денешната прес-конференција апелираше за побрзо расчистување на случајот „Рекет“, но и почитување на пресумпцијата на невиност.
– Стоиме зад работата што досега е завршена, ве уверувам дека сите предмети по кои се постапува се професионално водени и не се загрозени постапките. Наш примарен интерес е зачувување на интегритетот на Специјалното јавно обвинителство (СЈО) и секогаш сме постапувале на ниво на задачата за справување со криминалот.
Внимателно го следиме сите случувања и сме подеднакво загрижени, но истовремено повикуваме да се почитува пресумпцијата на невиност. Сите ве уверувам дека дејствијата на поединци не ги отсликуваат сите во СЈО и не смее да ги доведат под прашање интегритетот и постапките кои се видени досега, истакна Ристoска која не даде директни одговори на прашањата поврзани со Катица Јанева, нагласувајќи дека има активна истрага и оти Обвинителството за организиран криминал и корупција е надлежно за овој случај.
Таа кажа и дека предметите кои се во фаза на судска постапка не се доведени во прашање, а не е доведена во прашање ниту истрагата „Империја“.
ПОВРЗАНИ ВЕСТИ
(Видео) Тимот на СЈО затечен: Никој не знаел за оставката на Катица Јанева
Обвинителката Стефанова не стравува дека ќе биде инволвирана во истрагата за „Рекет“
На Катица и е одземен мобилниот за да се провери поврзаност со Боки13
Каков имот пријавила Катица Јанева, која си поднесе оставка и остана без мобилен
Фото: Телма