Градоначалникот на Солун, Јанис Бутарис, чиј втор мандат завршува летово, се сретна со македонскиот премиер Зоран Заев и претседателот Стево Пендаровски.
„Преспанскиот договор носи бенефити за Северна Македонија Грција. Придобивките за граѓаните веќе се чувствуваат преку соработката во повеќе области, истакнаа на заедничката средба премиерот Заев и солунскиот градоначалник Бутарис.
На состанокот е заклучено и дека отворените перспективи меѓу државите и соработката меѓу градовите допрва ќе ги даде вистинските позитивни резултати“, велат за средбата од Владата.
„Со градоначалникот на Солун Јанис Бутарис се согласивме дека со потпишувањето и имплементацијата на Преспанскиот договор е отворена нова перспектива во односите меѓу двете држави во сите сфери од заеднички интерес. Постојат можности за развој на соработката помеѓу регионите и општините, особено преку искористување на европските порграми за поддршка на развој“, напиша Пендаровски на Фејбук.
Фото: Влада/Кабинет на претседателот