Министерот за надворешни работи Никола Димитров, се осврна на празникот Илинден во контекст на новото време. Притоа, цитирајќи го и Адлај Е. Стивенсон, кој за патриотизмот вели дека “не е краток неконтролиран изблив на емоции, туку смирена и постојана посветеност во текот на целиот живот.”
„Секоја генерација си има своја историска планина. Во 1903 Илинденците дигнале востание за правда и слобода. Во 1944 Асномците обезбедиле државност. Планината на нашата генерација е да си ја заштитиме татковината зачленувајќи се во НАТО, да ја обезбедиме иднината преку европскиот воз и да го зацврстиме идентитетот решавајќи ги споровите со соседите и меѓусебно прифаќајќи се.
Каузата на нашата генерација можеби најмногу е да загриземе здраво и одлучно во борбата против раскомотените мрежи на криминалот и корупцијата. Тоа им го должиме и на Илинденците, и на Асномците, и на идните генерации.
Да ни’ е честит Илинден!“,напиша Димитров на неговиот фејсбук-профил.
Фото: Влада