Новоизбраниот претседател на Советот на јавни обвинители Ацо Колевски, денеска оцени дека случајот „Рекет“ во кој осомничена е и специјалната јавна обвинителка Катица Јанева, фрла дамка врз целата јавнообвинителска функција.
– Верувам дека колегите преземаат се што е во нивна моќ и во нивна надлежност да го расветлат овој случај кој морам да признам дека фрла темна дамка врз целата јавнообвинителската функција, изјави Колевски, одговарајќи на новинарски прашања по неговото именување на фунцијата.
Ацо Колевски денеска едногласно беше избран за претседател на Советот на ЈО со двегодишен мандат.
Изборот на новиот претседател доаѓа ден по одлуката на Советот на ЈО да почне постапка за разрешување на Јанева порад случајот „Рекет“.
МИА
ПОВРЗАНИ ВЕСТИ
Извештајот за разрешувањето на Јанева доставен до Собранието
Ацо Колевски едногласно избран за нов претседател на Советот на јавни обвинители