Лидерската средба помеѓу лидерот на СДСМ и премиер, Зоран Заев и претседателот на опозициската ВМРО-ДПМНЕ, Христијан Мицкоски, која траеше повеќе од седум часа, заврши без договор.
Политичарите до раните утрински часови не успееа да најдат решение за Законот за јавното обвинителство (ЈО), од кој зависи идниот статус на Специјалното јавно обвинителство (СЈО).
За неколку дена, на 15 септември истекува мандатот на СЈО, а очекувањата беа дека средбата ќе донесе договор Законот за ЈО да се донесе со двотретинско мнозинство во Собранието.
На 15 септември, завршува и мандатот на специјалната обвинителка, Катица Јанева, која е во притвор за случајот „Рекет“. Таа пред неколку дена од затворот даде полномошно сите предмети од СЈО да преминат во Јавното обвинителство.
Фото: Влада