Судењето за автобуската несреќа кај Ласкарци, денеска се одложи поради здравствени проблеми на еден од обвинетите.
Станува збор за шефот на возниот парк на Дурмо турс, Рамзи Мифтари, кој според материјалите доставени до судот, денеска треба да биде опериран. Поради тоа во судот не беа спроведени ниту останатите обвините кои се во притвор.
Следното рочиште е закажано за 15 октомври.
Во автобуската несреќа што се случи на 13 февруари годинава кај селото Ласкарци загинаа 16 лица, а 37 беа потешко повредени. За сообраќајката, односно за сторени тешки дела против безбедноста на луѓето и имотот во сообраќајот, обвинети се шест лица.
МИА
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.