Просечната каматна стапка на вкупните кредити, во август, и натаму се намалува сведувајќи се на нивото од 5,13%, што претставува месечен и годишен пад од 0,02 процетни поени и 0,36 процетни поени, соодветно, соопшти Народната банка.
Оттаму додаваат дека просечната каматна стапка на вкупните депозити се задржа на нивото од 1,38% од претходниот месец, додека на годишно ниво забележа пад од 0,04 процетни поени.
„Во август, просечната каматна стапка на новоодобрените кредити оствари месечно намалување од 0,07 процетни поени и изнесува 4,61%, додека споредено на годишна основа, кај оваа каматна стапка е остварено намалување од 0,24 процетни поени.
Просечната каматна стапка на новопримените депозити изнесува 1,10% и на месечна и годишна основа се намали за 0,17 процетни поени и 0,44 процетни поени, соодветно“, соопшти Народната банка.