Агенцијата за аудио и аудиовизулени медиумски услуги ги повика радиодифузерите денеска и утре да ја прилагодат програмата поради деновите на жалост прогласени по тешката сообраќајна незгода на автопатот Скопје-Тетово кај селото Ласкарци.
Музиката треба да биде од жанровите соодветни за денови на жалост, а емитувањето на забавни шоу програми, хумористични емисии или играна програма од жанрот комедија, да се одложи за други денови од неделата.
– Доколку тоа го дозволуваат веќе склучените договори, препорачливо е овие два дена да не се емитува рекламирање, се наведува во соопштението.
Од Агенцијата нагласуваат дека јавниот радиодифузен сервис и радиостаниците кои доброволно пријавиле дека ќе емитуваат одреден процент домашна музика од македонски автори и автори на етничките заедници, денеска и утре се ослободуваат од оваа обврска.
ПОВРЗАНИ ВЕСТИ
Лавина реакции: Осуда на сите кои даваат политичка конотација на трагедијата кај Карпалак
Потресни видеа снимени неколку минути по трагичната несреќа на патот Скопје-Тетово
Веста за трагедијата кај Карпалак одекна во светските медиуми
Владата ги прогласи 14 и 15. февруари за денови на жалост