Менаџментот на Адора инженеринг доби цврсти гаранции од Електрани на Северна Македонија (ЕСМ) АД Скопје дека во најбрз можен рок, според сите домашни законски прописи ќе почне постапката за купопродажба на топланите Исток и Запад и дека на компанијата ќе и бидат исплатени долговите настанати во изминатата година по основ на закуп и амортизација на топланите, информираат од компанијата.
-Адора Инженеринг во интерес на граѓаните склучи краткорочен договор за закуп на топланите Исток и Запад со ЕСМ, кој важи од денеска до 30 април 2023 година, кој е на штета на компанијата од 550.000 евра на годишно ниво.
Адора Инженеринг со фактот што ги прифати условите за закупнина од страна на ЕСМ дава огромен придонес, односно изврши еден вид субвенционирање на топлинската енергија за ублажување на енергетската криза во земјава, велат од компанијата.
ПОВРЗАНИ ВЕСТИ
Скопјани од 15 октомври ќе имаат парно: ЕСМ и Адора постигнаа договор за закуп на топланите