„Адора инженеринг“ е купувачот на 5.300 акции од „Комерцијална банка“ за кои плати 521.000 евра

„Комерцијална банка“ АД Скопје преку Македонската берза информира дека на 25.11.2019 година преку две системски блок трансакции правното лице „Адора Инженеринг“ ДООЕЛ Експорт – Импорт Скопје се стекнало со 5.300 обични акции издадени од Комерцијална банка АД Скопје.

За овие акции, како што вчера објави „еМагазин“, „Адора Инженеринг“ плати 32 милиони денари или околу 521.000 евра.

Од „Комерцијална банка“ додаваат дека „Адора Инженеринг“ ДООЕЛ Експорт-Импорт Скопје заедно со поврзаните лица со новата купопродажба ќе поседува вкупно 253.247 обични акции, односно ќе има учество од 11,11% во основната главнина на „Комерцијална банка“ АД Скопје.

ПОВРЗАНИ ВЕСТИ

Продадени акции од Комерцијална банка за 521.000 евра во два блока на берзата

Кој е Ванчо Чифлиганец: Од професор до еден од најголемите акционери во Комерцијална банка

Адора Инженеринг повторно ја зголеми сопственоста во Комерцијална банка