Лидерот на ДУИ, Али Ахмети во своеото обраќање по повод 18-годишнината од основањето на партијата најави дека нова цел е избор на првиот Албанец за премиер на државата.
Ахмети во својот говор рече дека сите зацртани цели на ДУИ досега биле остварени.
„Заедно ги определивме и ги остваривме нашите цели и на оваа толку важна годишнина за сите нас, заедно да ја определиме нашата следна цел почнувајќи од следните избори, да ја реализираме определбата за да избереме ценета, почитувана и докажана личност, таа или тој кој што ќе го избереме заедно, за првиот Албанец премиер на земјава!!!
На секоја годишнина, определуваме амбициозни цели и со време тие ги остваруваме, затоа честито пријатели и успех кон остварување на нашите заеднички цели“, напиша Ахмети.
МИА/Фото:Фејсбук/ДУИ
ПОВРЗАНИ ВЕСТИ
Заев: ДУИ нема да биде дел од идната Влада ако бара Албанец за премиер
Касами: Неуспесите на ДУИ не можат да се покријат со барањето за премиер Албанец