Сметам дека нема да се случи БЕСА да ја напушти Владата, зашто таквиот потег нема да биде од полза на таа партија, изјави денеска лидерот на ДУИ, Али Ахмети во Собранието.
Коментирајќи ја изјавата на генералниот секретар на Беса, Арјанит Хоџа дека поради одлуката за прегласување на изборите за градоначалник во Желино можно е партијата да ја напушти владината коалиција, Ахмети вели дека нема потреба да се врши притисок врз институциите и дека треба да се почитува одлуката на Државната изборна комисија (ДИК) за прегласување на едно избирачко место во Желино.
– Нивните изјави може да се разберат како еден вид притисок врз владејачката коалиција, но коалицијата нема да биде оштетена од таквите изјави или слични притисоци. Пред сѐ, тоа не е добро затоа што тие изјави значат притисок врз институциите кои мора да го спроведуваат законот, рече Ахмети во изјава за Алсат М.
Изјавта на Ахемти, следи по објавата на Фејсбук на генералниот секретар на Беса, Хоџа, кој е и актуелен министер за земјоделство, шумарство и водостопанство, во врска со приговорите за изборите во Желино, по кои решаваше ДИК.
– Желино, место во кое се роди една партија (Движењето Беса), може да биде и Желино кое руши влада, напиша Хоџа во објавата.
ПОВРЗАНИ ВЕСТИ
Министерот Хоџа од БЕСА не можел да седи на иста маса со ДУИ, ќе си поднесе оставка
Министерот за земјоделство Арјанит Хоџа од БЕСА, се заканува со уривање на Владата
МИА/Фото: ДУИ