Албанија по грешка на интернет објави чувствителни информации за своите најистакнатите разузнавачи, пишува битанскиот „Independent”.
Откриени биле имиња на најмалку осум истакнати албански оперативци ангажирани во Македонија, Белгија, Грција, Италија, како и во Косово и Србија.
Весникот тврди дека биле објавени нивните имиња, возилата кои ги користат, нивната оперативна улога, каде патуваат, како и нивните секојдневни навики.
Податоците за нивните плати и трошоци се објавени на страната на албанското Министерство за финансии и откриваат детали во врска со приходите на разузнавачките служби, вклучувајќи ја и локацијата на службениците.
Извештајот покажува имиња и броеви од документи за идентификација на агенти, кои работат во Албанија и надвор од земјата, вклучувајќи и две лица кои имаат „чувствителни работни места” во седиштето на НАТО во Брисел.
Од весникот не ги објавуваат имињата заради заштита на овие лица.