Лидерот на ДУИ, Али Ахмети денеска треба да се јави на распит во Јавното обвинителство за гонење на организиран криминал и корупција.
Ахмети треба да даде исказ во врска со предметот „Попис“.
Истрагата по предметот „Попис“ ја отвори поранешното Специјално јавно обвинетелство (СЈО), за потоа да ја преземе ОЈО за гонење на организиран криминал и корупција.
Случајот се однесува на пропаднатиот попис во 2011 година, организиран од Владата на ВМРО-ДПМНЕ и ДУИ.
Според СЈО, со стопирањето на пописот на населението тогашниот премиер и лидер на ВМРО-ДПМНЕ, кој сега е во бегство, Никола Груевски и неговиот коалициски партнер во владата Али Ахмети, нанеле штета на Буџетот во висина од 2,8 милиони евра.
МИА/Фото:Фејсбук/ДУИ
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.