Амди Бајрам ќе биде погребан денеска во Алејата на Великаните во Бутел

Погребот на Амди Бајрам, кој вчера почина е закажан за денеска, во 14 часот во Али Пашината џамија и во 15 часот на гробиштата во Бутел во Алејата на Великаните.

„Од канцеларијата на Сојузот на Ромите на Република Северна Македонија ве информираме со голема тага и болка дека вчера, на 24 октомври 2020 година почина нашиот сакан и почитуван претседател на партијата и долгогодишен пратеник во Собранието“, се наведува во соопштението на партијата, со која раководеше Бајрам.

Министерството за здравство вчера соопшти дека кај Амди Бајрам постмортем е утврдено дека бил позитивен на Ковид-19 и побара да не се одржуваат погребни ритуали за да се избегне ширење на заразата.

ПОВРЗАНИ ВЕСТИ

Министерството за здравство бара да се избегнат погребните ритуали за Амди Бајрам бидејќи бил позитивен на Ковид-19

Амди Бајрам бил позитивен на Ковид-19

Почина Амди Бајрам

Амди Бајрам ги заобиколи ковид-мерките во државата: Направи свадба на внуката на брод на Босфорот со 600 гости

Фото: Фејсбук/Сојуз на Ромите на Македонија