еМагазин
Свет

Американска подморница се судри со неидентификуван објект во Јужното Кинеско море

Американска нуклеарна подморница се судрила со неидентификуван објект додека патролираше во Јужното Кинеско Море, област каде Кина има големи претензии, соопшти американската морнарица.

„Американската нуклеарна подморница „Конектикат“ се судри со неидентификуван објект за време на навигацијата во индо-пацифичкиот регион“, објави денеска прес-службата на Пацифичката флота на американската морнарица.

Подморницата за брз напад, од класата Сиволф „Конектикат“ (С СН 22) го погоди објектот додека беше под вода на 2 октомври попладне во меѓународните води во индо-пацифичкиот регион, се вели во соопштението, пренесува ТАСС.

Безбедноста на екипажот останува главен приоритет на морнарицата, беше истакнато во соопштението во кое се додава дека никој не претрпел повреди опасни по живот.

Подморницата е во стабилна состојба, нуклеарниот погон и простор не се погодени и се целосно во функција.

Прес-службата наведе дека се проценува степенот на оштетување на остатокот од подморницата и додаде дека инцидентот ќе се испита. Според Фокс њуз, инцидентот се случил во Јужното Кинеско Море.

Во извештајот се наведува дека подморницата не се судрила со друга подморница и се враќа во пристаништето.

МИА/Фото: Photo by Liam Briese on Unsplash

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

(ВО ЖИВО) Приврзаниците на Трамп упаднаа во Конгресот, во Вашингтон воведен полициски час

Редакција

Вакцината против Ковид-19 не влијае врз плодноста кај мажите, вели експертка од Кралскиот колеџ во Лондон

Редакција

(Фото) Зеленски меѓу народот во Буча: „Mногу тешко да се преговара со Русија по масакрот што го извршијa“

Редакција

📢 Важно известување

Оваа веб-страница претставува архива (стар сајт) и повеќе не се ажурира.
За најнови информации и содржини, посетете ја нашата нова официјална страница:


👉 Посети ја новата страница