Јанева изнесена од судница поради недоличните коментари кон Стефанова, ја нарече „гомнарке“, и „ороспијо“

Поранешната специјална јавна обвинителка Катица Јанева беше отстранета од денешното судење за случајот „Рекет“, бидејќи недолично се однесуваше кон обвинителката Лиле Стефанова, која беше сведок во случајот.

Јанева ѝ довикна на Стафанова „ороспијо“ и „гомнарка“ поради што судијката Васка Николовска Масевска нареди таа да биде изнесена од судница.

Адвокатката на Јанева, Ирена Фрчкоска, рече дека не се согласува со овој испад на Јанева, но дека обвинетата била прилично револтирана, зашто Стефанова во јануари кажала еден став, а сега кажува друг.

Следното рочиште за предметот „Рекет“ е закажано за 28 јануари и е предвидено да продолжи со сведочење на обвинителот Бурим Рустеми.

ПОВРЗАНИ ВЕСТИ

Јанева за Стефанова: „Не чинев зошто и го возев мачето”

Стефанова на судењето за „Рекет“: Осомничените во „Империја“ скоро секогаш дознавале што презема СЈО против нив

Стефанова на судењето за „Рекет“: Политичари и судијката Кацарска вршеа притисок за притворот на Камчев

Фото: А1он