Анкетата на Институтот за политички истражувања од Скопје (ИПИС) покажува дека 43,2 отсто од граѓаните би гласале „за“ на претстојниот референдум за името, а 22 отсто „против“.
Според анкетата спроведена помеѓу 6-ти и 10-ти август, 22 отсто од испитаниците рекле дека ќе го бојкотираат референдумот, а 12 отсто одговориле дека не знаат како ќе гласаат.
Од испитаниците кои одговориле дека ќе гласаат „за“ на референдумот 32,4 отсто се етнички Македонци, а 80,9 отсто се етнички Албанци. Бројот на етнички Македонци кои одговориле дека ќе гласаат против е 26 отсто, а 27 отсто од нив одговориле дека ќе бојкотираат.
Од етничките Албанци 10 отсто одговориле дека ќе гласаат против, а 1,9 отсто дека ќе бојкотираат.
Анкетата е спореведена врз 1.110 полнолетни испитаници на ниво на Република Македонија.