Анкета на Телма и МЦМС: СДСМ најпопуларна кај Албанците, ВМРО ДПМНЕ кај Македонците

Рејтингот на СДСМ расте, додека на ВМРО паѓа, покажа најновата анкета на Телма и МЦМС, што ја напрви агенцијата М-проспект.

Анкета покажува дека СДСМ има рејтинг од 26,8%, а ВМРО ДПМНЕ од 21,5%.

ДУИ е стабилна сo 6,7%, потоа е Алијансата за Албанците со 3%, БЕСА сo 2,4%, додека тие што нема да гласаат на евентуални избори се 21,3 %.

Анкетата покажува многу интересни податоците според етничка припадност. ВМРО-ДПМНЕ е водечка партија кај Македонците: 30,4% со пет процентни поени пред СДСМ – 25,5%.

Има историска промена кај албанскиот електорат. СДСМ е прва партија кај Албанците со 27,5% од преференците, додека ДУИ е втора со половина процент помалку.

Рејтингот на ВМРО ДПМНЕ кај Албанците е еднаков на 0, со што нивниот коалиционен капацитет и понатаму останува драматично слаб.

Анкетирани се 1.014 испитаници, телефонски, во периодот од седми до 15 ноември.

ПОВРЗАНИ ВЕСТИ

Анкета на Телма и МЦМС: Македонските граѓани немаат доверба во ниту еден политичар

Анкета на Телма и МЦМС: Граѓаните не сакаат ни амнестија за упадот во Собрание, ни избори