Обвинетите за настаните од 27 април, за насилството во Собранието, во проглас до јавноста, упатија апел дечињата на пратениците кои гласале да не бидат под страв.
„Тоа се македонски дечиња, тие се наши деца! Немојте тие луѓе кои се ваши и наши пратеници да ги омаловажувате. Затоа што силата за обединување и менаџирање беше кај Христијан Мицкоски“, се вели во прогласот.
Обвинетите исто така го повикаа Извршниот комитет (ИК) на ВМРО-ДПМНЕ да ја преиспита одлуката на претседателот на партијата, Мицкоски за исклучување од партијата на пратениците кои гласаа за уставни измени.
„Под итно да престанат нападите на пратениците затоа што тие се наши браќа по крв и род. Со нив ги делевме ладните и мрачни ќелии во затворот Шутка- не заборавајте го тоа. Од наш субјективен видик, тие се браќата со кои се уште ја делиме и судницата, маката и понижувањето“, се додава во прогласот.
Помеѓу обвинетите за настаните во Собранието се и пратениците на ВМРО-ДПМНЕ, Крсто Мукоски, Сашо Василевски и Љубен Арнаудов кои гласаа за уставни промени, а кои експресно беа исклучени од партијата.
Тие излегоа од куќен притвор за време на одржување на расправата во Собранието за стартот на уставните измени, предвидени со договорот за името со Грција.
ПОВРЗАНИ ВЕСТИ
Што Мицкоски им ветил на обвинетите за насилството во Собранието, а не исполнил
Обвинетите за насилството во Собранието подаваат рака кон Заев и прифаќаат национално помирување
Ќе се распадне ли ВМРО-ДПМНЕ по исклучување на 7. пратеници кои гласаа „за“ промена на Уставот
Што ги предомисли пратеничките на ВМРО-ДПМНЕ, Александрова и Исмајловска да гласаат „за“