Одлуката на австралиските власти своите државјани кои сакаат да се вратат од Индија да ги испратат во затвор, предизвика критики и е оценета како расистичка мерка со која се кршат човековите права.
Откако владата во Канбера ги забрани сите летови од високо ризичните земји до 15 мај, од денеска секој Австралиец кој ќе пристигне од Индија, се соочува со парична казна и затворска казна до пет години, пренесува Би-Би-Си.
Австралискиот премиер Скот Морисон ги негираше обвинувањата за расизам.
– Истите обвинувања беа упатени до владата пред повеќе од една година кога ги затворивме границите за континентална Кина. Во пандемија нема ниту политика, ниту идеологија. Сето ова нема никаква врска со политиката, ова е вирус, изјави Морисон за сиднејската радио станица 2GB.
Се проценува дека во Индија има околу 9.000 Австралијци, од кои 600 се класифицирани како „загрозени“.
МИА/Фото: Photo by Dan Freeman on Unsplash
Важно известување
Посети ја новата страница