Со вложувања во износ од 45 милиони евра, Бахамите се најдоа на врвот на листата странски инвеститори во Македонија во периодот јануари-септември годинава.
На второто место е Турција со инвестиции од 36 милиони евра, а на третото место се Бермудите со инвестиции од 29 милиони евра.
Потоа следуваат Словенија со вложувања од 25 милиони евра и Германија со инвестиции од 24 милиони евра.
Ако се земе предвид дека вкупните странски инвестиции во земјава заклучно со септември изнесувале 131 милион евра математиката покажува дека повеќе од половина од инвестициите односно 74 милиони евра дошле од Бахамите и Бермудите.
Овие егзотични државни некогаш биле прибежиште за пиратите, а денес се познати како даночен рај каде не се поставуваат многу прашања околку потеклото на капиталот.
Фото: sandals.com