Барањето за одлагање на казната за Никола Груевски денеска пристигнало до Кривичниот суд и веднаш е дадено на судија за извршување на санкции, кој во законски рок од три дена треба да се произнесе, информира на брифинг со новинари претседателот на Кривичниот суд во Скопје Иван Џолев.
Доколку е одбиена жалбата, Груевски има право да се жали до Кривичен совет, кој одлучува во втор степен.
Двете причини на кои се повикува Груевски се обврските што ги има како пратеник пред се поради актуелните процеси во Собранието поврзани со уставните измени.
Втората причина е поврзана со докторатот кој го одбрани летоска односно врз основа на докторската теза да напише книга.
Судијата за извршување на санкции има рок од три дена да одговори дали ќе го прифати предлогот и ќе го одложи издржувањето на казната за Груевски, а ако е незадоволен тој има право на жалба пред кривичен совет составен од тројца судии.
Експремиерот Груевски бара одлагање и од Врховниот суд. Неговите адвокати ова го предложиле уште минатата недела во барањата за вонредно преиспитување на пресудата за „Тенк“, но од Врховен велат дека до нив се уште не е пристигнато.
Во однос на упатниот акт за Груевски, Џолев на брифингот, посочи дека одбраната на 29.10 поднела посебно барање за одлагање на казната на Греувски.
Поранешниот премиер и лидер на ВМРО-ДПМНЕ најдоцна до 8 ноември треба да се јави на издржување на двегодишната казна затвор за случајот „Тенк“ односно набавката на луксузниот мерцедес.
МИА/Фото: Груевски/Фејсбук
ПОВРЗАНИ ВЕСТИ
Судбината на Груевски во рацете на осумтемина пратеници исклучени од ВМРО-ДПМНЕ