Барокен замок на два ката, со огромен балкон и базен планирал да гради Груевски на Водно

Барокен замок, на два ката, со огромен балкон и базен, распослан на огромна површина на Водно, требало да гради екс премиерот Никола Груевски на Водно, пренесува Фокус.

Скица од архитектонскиот план за тоа како треба да изгледа овој објект вчера беше презентиран од обвинителката Лиле Стефанова, на судењето за “Плацевите на Водно”, во кој е обвинет Груевски.

Според обвинителката Стефанова, Општина Центар одобрението за градба го издало во октомври 2011 година, односно за изградба на резиденцијален објект по барање на фирмата ИТК инженеринг, а според Обвинителството – таен сопственик требало да биде Груевски.

Во 2020 година пак решението за градба е прогласено за ништовно, бидејќи не било започнато со градба во предвидениот рок, иако биле платени комуналии од 3,5 милиони денари.

ПОВРЗАНИ ВЕСТИ

Груевски регистрирал фирма во Унгарија, Твитер во „црвено„

Груевски се јави за случајот „Плацеви на Водно“: „Чив имот сака да запленува Обвинителството? Имот кој ниту сум го купил, ниту платил“

Фото: Фејсбук/Груевски