Стапката на раст на бруто-домашниот производ (БДП) во првото тримесечје од годинава е -1,9 проценти, објави денеска Државниот завод за статистика.
Раст е забележан во секторот градежништво за 1,7 проценти, дејности во врска со недвижен имот за 0,5 проценти и во секторот земјоделство, шумарство и водостопанство за 0,3 проценти.
Државниот завод за статистика информира дека финалната потрошувачка на домаќинствата, вклучувајќи ги и непрофитните институции кои им служат на домаќинствата, номинално пораснала за 1,8 проценти, а нејзиното учество во структурата на БДП изнесува 65,5 проценти.
Извозот на стоки и услуги номинално е зголемен за 18,3 проценти, а увозот за 11,2 проценти.
Бруто инвестициите бележат опаѓање во делот на промената на залихите.
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.